Rev.Lai Ram Hu cabia tawi afapa CNA tuanbia

Corporal John Biak Tin Lian le Private Bawi Ram Hngak

Memorial Service ah Chungkhar lei in biatawi chimmi…

Ram kip um Chin Miphun u le nau le hawikawm dawt hna,

Corporal John Biak Tin Lian le Private Bawi Ram Hngak ah thihnak kongah Chinram um innchungkhar leiin biachimnak can ttha nan hun kan pek caah kan lunglawmhnak di a riam tuk hringhran.  

Bia tampi nan hmaiah kan chim kho rih rua lai lo. Bia tam deuh kan chim lai kan ti ahhin kan mit chungin ti fim a luangmi nih a kan chim kanh lengmang rih ai.  Kan hrawm le kan ttaang a kan phih i kan hmur le kan kaa in kan aw le kan aan a chuak kho hrim rih lo ee.

 

Corporal John Biak Tin Lian Tuanbia tawi

​ Corporal John Biak Tin Lian cu Kum 1992 August 3, ni ah Hakha khua Auto sangah a chuak.  A chuah zan bak ah Pathian sinah thlacam piaknak rak tuah piak a si. A nu le a pa hna cu Hakha peng Ruavan khuami Rev. Lai Ram Hu le Pi Ni Tum an si.  Unau chuahpi pa 5 an si i, Cpl. J. Biak Tin Lian hi upa bik changtu a pa hnihnak a si.  

Chuapi u le nau hna cu;

01.

 ​Nancy Zing Hlei Par (Chin Green Network)

02.

 * Cpl. John Biak Tin Lian  (CNA/F)

03.

 ​Josef Kap Tin Hmung  (Pyine Upadi zung)

04.

  Van Cung Cin  ( CCC-BA Eg. IIIyear)

05.

  Peng Za Hnin Thang (8th std.) hna an si.

2011 kum ah Falam BEHS No. (2) sianginn in tanghra a awng i, upadi kumkhatnak–Corresponden in a phit lio a si.  Kum 2013 January4(Independent) ni ah amah hna tla tein le nu le pa nih thla za cam piakbu tein CNA/F ah a nunnak  ithap buin a lut. CNA ralkap training a dih in Aizawl zungah Computer tlaihpiak pah in zung rianttuan a bawmh hna.  Kum 2014 March 20, Chin Revolution Day ah Corporal – sen hnih an pek.  Kum 2014 October ah  CNA ralkap pa 10 hna cu Kachin ram Laiza ah Bolong Training kai dingah Chinram in an pok.  Bolong Training an tuah cuahmah lio, 2014 November19 ni ah Kawl Cozah ralkap kuanpi hma in a nunnak a ciam.

Kan fa pa Biak Biak hi CNA luhnak dingah nu le pa nih kan forh chommi le kan fial chommi a si lo.  Amah lungtho tein hi rian hi aa thim hrimhrimmi a si.   Nu le pa zong nih fapa pa 4 le fanu pa 1 kan ngeihmi chungin Fapa pakhat nih ‘Ram le Miphun caah ka nun ka thaap ve lai’ a ti ni cu kan ilawmh bik ni nikhat a rak si bal ve.  

CNA/F Camp ah a kal lai ni zing cu kan chung te khar tein hmunkhat te ah kan tthu tti hna i Hrintu a nunih thla a caampiak.  A nu thlacam lioah kan pa fa rual, kan nu fa rual  kan celh hrim lo caah kan ttaang idomh bu in fak tuk hringhran in kan rak ttap.  Kei nih Tio tiang Mawtaw Saikel in ka thlah.  Chun ni tlak kan pafa kan rawl a ttam lo caah ti din lo rawl ei lo tein Ttio cu zanlei Sml. 4:00 ah kan phan.  

 

Ttio – CNA/F camp ah zankhat ka riak.  A thaizing cu zingkaa te ah kan pa fa le Pastor Dar Zing he Canp chungah laam kan leng tti.  Chun hnu ah kir ding ka si ika kir lai ah Pastor Dar Zing  nih CNA/F camp Biakinnah kan pafa thla a kan caam piak i, lung dii riam taktak (cikcek) tein kan rak i ttaah len.

Kachinram Bolong Training kai dingah Chinram in an kal lai ni zingkaa te zongah a nu nih thaithawh a chuanpiak hna i, nuam ukmak in an ei.  An kal lai ahka siaherhbia tlawmpal ka cah tak hna hnuah thla ka caam piak hna.  Kan chungtekhar in Mawtaw keih tiang kan va thlah.  Kan fa pa Biak Biak cu Mawtaw cung a kai i a tthut bak in, a ttap thluahmah ko kha kan hmuh.   Mawtaw cu aa thawh, Mataw ke cu duhsah -duhsah tein hmailei ah a vun imer zuahmah khin cun kan fa pa Biak Biak le a hawi le cu kan kut kan ileek sek leen.  

A thih lai hi a nunnih a rak hngalh cia cang a si hnga maw, a mitthli aa hnawh pah bu khin Chinram Hakha khuapi cu a liam tak riangmang.   “  Biak Biak nih mitthli hnawh pah bu in a liam riangmang lio te kha cu, Lei can dongh tiang kan mitthlam ah a cuang zungzal ko theu lai dah” kan ti.   Cucu a hnu bik kan tuanbia cu a si.  

“Kan fapa Biak Biak, a tuanbia hi a tawi te.  Kan caah hin mitthepkar te lawng a si.”

​

CNA/F luh ah aa thawh lai te ah a nu nih bia a cahtakmi cu, “  Ka fa Biakbiak, Fapa 4 kan ngeih hna i, nang cu ram le miphun caah na nun na thap caah fapa ngeih man kan ngei cang tiah kan iruah upatnak kan in pek.  Na nu le na pa cu an hringtu kan si ko nain, nihin ni thawk hin cun, na nu le na pa fa na si ti lo,  Ram le miphun fa na si cang.   Cucaah nihin ni thawk cunRam le Miphun fa ka si cang ti kha zeitikhmanh ah va philh ti hlah.   Ram le Miphun caah na pum naa pek vekvek hnuhnu cu!  na cungah zeibantuk harnak le ttihnung thil phunphun a tlun zongah na hnulei imer in na kir hrimhrim ti lai lo.  Na thih zongah , na nun zongah Ram le Miphun fa  na si cang.   Hnulei ah naa mer i na kir tthan citcet ahcun Na nu le na pa hi Ram le Miphun hmai kan khaap lai lo i, Pathian hmai zong kan khaap lai lo”, tiah bia a cah.

​Vawlei cung khua zaa van rang tang a ummi Ram le Miphun dawtu Chin Miphun hawi dawt hna,  Kan fa BiakBiak a thihnak ruangah nan khuakhaan le nan thil tuahser ning kan hmuh tikah kan ilawmh tuk ahhin mu, kan ning tu a zak tuk ko. Kan nih nu le pa le chungkhar nih siseh, BiakBiak nih siseh, Ram le miphun caah zeite tal kan santlaihnak le kan tthathnemnak hi pelpawi te hmanh a um lo, ti nan theih ko bu in, John Biak Tin Lian le Bawi Ram Hngak caah Vawleicung ram kip a ummi Khrihfabu kip nih nan Biakinn cioah upat peknak le thlacamnak caan nan kan hman piakmi cu kan ilawm kho taktak, kan ilawmhnak a pinlei pi tiang a phanmi lunglawmhnak a si. Hi thil nan tuahmi nihhin Chinram le Chin Miphun caah kan hmuh bal rih lomi le kan phanh bal rih lomi thilthar a sertu le a kan hmuhtertu – a kan phanhpi tu a si hrimhrim lai timi tuanbia thar cu kan i ruahchan.

​

-2-

 

Cpl. John  Biak Tin Lian le Prt. Bawi Ram HngakThihnak ruangah;

 

*Chungkhar fa an sinak vialte cu - Ram le miphun nih nanmah fa ah nan canter;  

*Chungkhar kan ttahnak ding mitthli vialte cu -Ram le Miphun nih nanmah ttahnak mitthli ah nan ilak,  

*Chungkhar kan ngeihchiat ding vialte cu - Ram le miphun pi nih nanmah ngeihchiatnak ah nan ipom,  

*Chungkhar kan rian vialte cu – Ram le Miphun pi nih nan mah rian ah nan i chiah i ttuanvo nan lak dih.

​

Cucaah nihin 2014 November 29 ni hi cu Kannih chungkhar caah cun Vanram fate kan co ni hrimhrim a si tiah kan iruah.  Chin miphun nan dihlak hi kan caah Vanmi bantuk nan si.  John Biak Tin Lian le Bawi Ram Hngak thisen tu hi Chin mip[hun dihlak nan thlacam au nak thawng in Pathian nih cohlaang hram sehlaw, Kan tum Za uk (Democracy) ramthar kan conak ah cang hram ko seh.

 

​   “Maw kan fa  Biak Biak le Pa Hngak hna, nihinni cu nannih cu nan sunglawi tuk,  Nihin cu - Nan min a thang tuk, Ni hin cu - Nan bawi tuk ai hi ta!   Chin Miphun dihlak hna dawtnak thawng in le Kan Biak Pathian dawtnak thawng in fawh a si hih!... Rau thla in run lawm hna ulaw upatnak run pe hna uh mu!...  

“ Maw Ka fa le hna, Nan nunnak thisen –Ram le Miphun caah nan pek hi a phu bak ko nan ti  cang ko lo maw cu!  Pasal … thih ciocio ah … nan thih dii a riamcang ko lo maw cu!..  Nan liam siaherh duh ti hlah uh,  A rauh hlan ah, Nan sin ah kan ra ve lai,  Cu ni ah diriam tein kan ikup in kan ihnam len te hna lai.  Khi tik ahcun kan me a rem te cang lai mu…  Rak kan dong hrimhrim  te uh…Mangtha!...

 

Corporal John Biak Tin Lian le Private Bawi Ram Hngak upat peknak le thlacam piaknak hmun ah a ra khomi Chin miphun le hawikawm dawt vialte hna nan dihlak cungah Pathian nih thluachuahnak in pe cio ko hna seh… Amen !  

 

Chinram in,

​Rev. Lai Ram Hu te chungkhar

​Hakha, Chin State

​November 27, 2014 ( Wednes day)

CNF,Denail Sakhong cabia tawi

1988 hlan cu kan Chin ram cu white color region, dohthlennak a tuah mi um lo nak, ral a um lonak hmun  a si I, ram dang ah refugee asylum ti ban tuk sawh in pem khawh a rak si lo. 1988 hnu CNF a um i, red color region ah aa can lawng si lo in, CNF nih fak pi in kan miphun ram ttha an phanh nak caah a zuam piak nak hna thawng in, a tu cu vawlei cung ramttha ram 16 ah kan Chin miphun 80,000 hrawng kan phan. Malaysia le India ah a ra rih ding 40,000 hrawng an um rih. A phan kho te hnga dek maw. An phanh khawhnak ding thla kan cam piak hna. USA ram I khua pi 100 leng ah kan miphun kan um I, kan zaa pi 50,000 kan um. A dang ram 14 ah 30,000 an um ti nak a si. USA ah kan tam bik nak cu Indianapolis khua, Cun Dallas, Atlanta, Washington DC, Kansas City, Tulsa khua pawl hi an si I, khua khat ah a tlawm bik 2,000 cung umnak khua pawl an si.

Indianapolis khua lawng ah hin kan miphun 10,000 leng kan um I kharihfa bu 30 hrawng a um. Kharihfabu 6 hi biakinn tha te in an ngei kho cang. Inn a caw cang mi inn 500 leng a si. Chin mi nih awn mi Restaurant lawng in 5 aum I, Chin minih awn mi grocery store (Eidin zuarnak) lawng in 10 leng kai a si. Chin minih awn mi sammehnak le a dang dawr te-tawi zong a um len. American pawl le western ram mi pawl cu Kharihfa an si ve caah an kan dawt ngai ngai. "Ameican nih nan rat pi mi bianak Kharihfa kan biak ruang ah le, American nih thlai ci nan rak tuk mi Democracy le Federalism kan duh ruang ah kawl nih an kan rem lo, miphun thleidannak an kan ngeih ruang ah mah ka hi kan rak phanhnak a si" kan ti hna I an kan dawt ngai ngai.

Cun kan umnak khua cio I, nawlngei tu Senator, Governor ti pawl he I theih thiam nak, I kawmh khawhnak kan tuah I, a hlei in an kan dawtnak tampi a um. Tahchunnak ah Indiana state ah cun Chinca (Hakha) holh in Driving test te hna phit duh tik ah phit khawh a si. Cun Australia ah cun Sianginn ah Chinca (hakha) cu an cawn I, credit ttha te in an pek hna. Indianapolis khua lawng ah hin High school a kai lio mi kan fa le 600 leng an um I, middle school le primary (elementary) a ka I lio mi hi 2,000 hrawng an si. Collge a kai lio mi hi 70 hrawng an si. Kan fa le cu ca an thiam ngai. Laksawng phun phun, a sang bik timi a hmu mi ah hin an ni tel. A bik in math ah hin Mirang, minak pawl nak in an thiam deuh. Cun Football (soccer) chuih thiam nak in min ttha ttha a hmu mi zong an um len.

Ramdang kan phan ko nain, kan nunphung kan thlau lo. Ramdawtnak (nationalism) hi Burma ram kan um lio nak hmanh in kan ngei deuh rua tiah ka ruah. Biakinn kip ah Chinca cawnnak, Chin phung le Chin nunning kan chimh hna I, USA a phan hnu ah lai caa a thiam mi hi an tam. USA ram a chuak mi an si nain, lai holh ttha te in kan thiam ter hna. Miphun ttanhnak (national spirit) a tthawn tik ah miphun dang a tthi, vaa hi an tlawm te. Indianapolis khua ah hin 10,000 leng kan um nain miphun dang he aa tthi um hi kum 10 chung ah 10 an si lai lo. Nihin tiang cu kan van a ttha ngai.Kan faa le pawl cu nan cawn mi fimthiamnak hi nikhat khat ah kan Chinram a sii a fak tuk mi caah nan hman lai tiah kan ti hna I, kan ram kir in rian va ttuan te ding ah timlamhnak a ngei mi hi an tam deuh. Ameican ralkap ah a lut I Iraq le Afghanistan ah ral a va tuu mi hi 20 hrawng kan miphun ah an um cang.

Kum a tling mi cu rian ttuan lo kan um lo ti awk a si. College a kai lio mi kan fa le hmanh hi part time in rian an ttuan I, fulltime in College an va kai. An nu pa le cu Mirang holh kan thiam lo caah lahkhah a tlawm deuh nak ah zaapi cu ttuan a si I average in rianttuan mi nih kumkhat hmuh mi hi $25,000 in 40,000 hrawng a si. Japan rawl Sushi an ti mi dawr a ngei mi kan miphun ah an tam ngai. A cheukhat cu mirum ngai ah an ni chuah I, kan miphun caah santlai ngai in mi an kan bawmh. Pathian rianttuannak ah an hman.  Australia lei cu an hmuh mi nihlawh USA le ramdang nak in, a tam deuh. A sinain bill pek ding a tam cio ve I, reithei ngai in nuncio a si ve ko. Zeiti a si zong ah kan Chinram ah an hmuh mi phaisa te cu kuat cio a si I, kan miphun nihin kan dirnak cu a bik in ramdang ramttha a um mi kan miphun 80,000 thawng hin a si ti ding a si. Kan cozah rinh awk a ttha lo cu taa..

Pu Thla Hei le Pu Van Ceu Uk hruainak in 2002 in Chin Youth Organization (CYO) dirh a si I, kum 2 dan ah vawikhat in N. America ram a um mi kan miphun mino pawl an ni tawng tawn. Cu cu kan mino vial te nih an ni ngaih bik mi a si. Mah an puai ah cun CNF kan pu le Pu Zing Cung, Pu Lian Uk, Dr. LIan Hmung Sakhong, Pu Nang Lian Thang te pawl khi chief guest ah an sawm tawn hna. An ni tawn tik ah lentecelhnak, nuamnak lawng si lo in kan miphun dawtnak le kan ram philh lo nak caah tthazang an ni lak nak can pakhat ah an hman. A tu lio an Chairman cu Pu Tial Khar Lian a si I, kum 2015 hi Dallas ah an tuah te lai. 2013 kha Indianapolis ah an tuah cang. Ni kum kha Lawngtlai in MLA Pu Ngun LIan Cung Cinzah le an nu kha an sawm hna. Mizoram hlasak minthang Mami Varte zong kha an sawm.

Chin Baptist Covention, USA tiah kharihfa bu 90 leng fawnh in an tuah I, kan miphun hmailei a kal hlan nak ah ttahwngngai in an dir. An cawlcangh ning hmailei kan miphun caah bochan ngai ding in an kal I, zoh ah tha a nuam. CNF kan ca zong ah kum khat $10,000 lengmang in an kan bawm. Kan Chinram chung Paletwah peng, Mindat peng, Kankaw peng, Kenpetlet peng pawl ah ICBM tiah minthar an bunh I CCOC second round an thawk. Kan biaknak lei lawng silo in, kan nunphung le zaa tlang tthanchonak ah a bia pi ngai an si.

Vawl lei cung ram 14 ah Chinland Club (CC) kan ti I CNF phaisa lei in a bawm tu bu kan um. Member hi 6,000 hrawng kan si I, minung pakhat nih kumkhat ah $150 cio kan thawh I, mah phaisa cu CNF kan bawmh hna. 2010 in thawk a si I, kum li ttha te in a kal cang. Minung kan karh tluahmah. A tu mah minung karh ter chin chin ding ah cun CNA ralbawi Col. Solomon Thangding Canada ram ah aa chawk cuahmah I, CNA ralbawi Brigadier General Hrang Tin Thai USA ram chung ah aa chawk cuahmah. A cheu nih meithal cawkpiak ding tiang in phaisa a hlei in an thawh. Kachin, Karen, Shan te pawl cu an ram ah sui-ngun a chuak mi a tam I, mah an ram thil chuak cu an zuar I, dohthlennak an tuah. Kanmah Chin mi (CNF)cu kan ram thilchuak a um lo caah mah ramdang in kan Chin unau nih dawtnak in CNF an kan bawmhnak Chinland Club cu kan suikhawr a si. Kachin le Karen pawl an sui khawr cu kawl ralkap nih a chuh khawh hna i, nikhat khat ah a dih kho. A sinain, kan Chin miphun lungthin chung in dawtnak le zawnruahnak he a ra mi kan Chin suikhawr cu zeitik hman ah a dih lai lo I, zei miphun hmanh nih an kan chut kho lai lo. A ttha chin thlauh mah lai.

Lunglawmhnak he,

Daniel Sakhong

Indianapolis

Nort Korea Hrui tu Kim Jong Un leng a chuak tthan cang

North korea hruai tu Kim Jong Un cu ni 40 chung mipi sin chuah loin a um hnu ah a tu hi a voi khatnak mipi sin leng a chuah asi,mipi umnak sang veng pa khat le  science cawnnak lei departmant pakhat ah akal i aruahnak le chimh hrin nak hna a ngei kho tiah cozah ngeih mi thawng zamh KCNA nih an phuan,a tu bantuk in Kim Jong Un leng a chuah than tikah a ngan damnak le a nawl ngeih nak kong ah a phunphun in an ruahnak an chim rel cio mi hna cu a daihter hna,Kim Jong Un i a thawng pang hi ni hnih ni ah an phuan cang ko nain akal nak hmun hma cu zei tik ni ah dah akal ti cu an phuan lo,(kim jong Ii)A pa nawl ngeih nak le rian a chang tu kim jong un cu september 3 hnu khan mipi sin a langh ti lo hi a si,mah lio ah cun a ur ngai mi Moranbong tiah aa sak mi hna pop music group pawl hlasak nak puai azawh kha a hnu bik alangh a si,mah hna music group pawl cu nu ngak no tete pa 5 an si i mah hna hi a mah Kim Jong Un nih a thim mi hna an si tiah an ti,septimber thla chung ram pi hluatdaw meeting zongah a kai kho lo ti si,a liam cia thla 2 ah khan an ram ser tu asi mi a pu (Kim Ii sung) a thihnak kum 20 tlin nak zawngah tha um lo ngai le der thawm ngai in a rak kai kho tiah an hmuh,zei ruang ah kawi kim hi ni sau pi leng chuah loin a tlau ti cu ni hnih ni thawng zamh nih cun an phuan lo.voa,bbc,rfa

Kawl ram ah Helicopter a tlau ve

Kawlram chung tlang sang bik nak kachin ram (Hkakaborazi) tlang ah a tlau mi tlang kai pawl kawl ah an thlah mi Helicopter cu a zuan lio ah a tlau.BuTaOo in a thawh tlawmpal minute 20 ah i peh tlaihnak a cah hi asi.A tlau mi kawlnak ah hin ke zawng in an kawl ,ke in tlang kai thiam pawl nih a san pe thawng hlei kua 19000 tiang asan nak tiang phan in ankawl ko nain an hmu hlei rih lo.ka chin state Hkakaborazi tlangah thlakhat deng arau cang mi thlang kai thiam minung pa hnih  Ko Aung Mit Myat le Ko Way Yan Min Thu hna cu atu tiang an hmu kho rih lo.A tlau mi hna kawl in a thawh mi helicopter zawng atu a tlau ve hi asi.september 27/2014 ah pe 20000 leng cung a zuang kho mi Thailand helicopter B4 asi.helicopter a hlanh tu hi (Advance Aviation) company an si.AA company nih an hlanh mi helicopter B4 cu zanlei 2:20 pm ah BotaOo in tlang kai hna kawl le dinei tirawl chanh ding ah athawh i minute 20 hrawng a zuan hnu ah atuban tuk in a tlau ve .cu helicopter chung ah atel mi hna cu Tai van lawng mawng le Too company in van lawng mawng le too an group ah a bawi ngai mi U Teyeya i bawm tu pakhat a tel i an dihlak pa 3 ansi.kawl ram cozah helicopter le Too foundation pawl minung helicopter 2 le khua pawng kham cozah rian tuantu vial te i bawm in a tu tiang an kawl cuah mah rih ko nain an hmu hlei rih lo.kawl ahar nak cu hawha hi tai can tiangtiang an tuk tiah akawl mi pawl nih anti.hi tlangkai thiam a tlau mi hna kawlnak hi Too foundation nih a tuah mi asi i Tailand (Advance Aviation) Company Helicopter zawng hi Too Foundation nih bawmh hal in a hlan mi asi.BBC/RFA/VOA

North Korea an hruai tu Kim Jong-Un a zaw cei ngai

North korea an hruai tu kim jong-un cu tu thla september chung cu a dam lo ruang ah zerh 3 chung leng chuah lo in a um cang.ram chung ral bawi upa hna meeting zawng voi 2 tiang akai kho ti lo.an mah north korea thanh ca thawng zamh hnanih cun zei cu kha akong lam an tial lo nain zawt cu a zaw ko an ti south korea nih cun kim jong-un hi alam kal le a sing ning achawh vah ning TV chung in an zoh nak ah cun adam lo nak hi a zual ngai ngai tiah an ti,Kim jong-un hi mipi sin achuah lo nak zerh thum asi cang va si kaw an ram tadin ca news thawng zamh pawl an rian slow men lai tiah keimah ruah in ka hei ruat ve a ruang cu nort korea cu an TV le news pohpoh hi a dang kong um theng lo in an hruai tu Kim jong-un thawng lawng te kha an thlah TV ah amah lawng a lang ti awk in,hlan lio kan kawlram tv ah Khin Ngut le Tan Shwe an lar bantuk khan amah zuk le a hman thlak lawng te hi ni fa tin north korea news ca hmai ah acuang in a hman thlak acuang lo mi news tadin ca hrim a um lo ti si ,cucu BBC nih north korea a sining kha documentary zuk an i lak mi ah ka hmunh bal ve,BBC nih cun an news (every single page ) news catlap kip ah an hruai tu kim jong-Un zuk acuang lo mi um lo a ti. A tu Kawi Kim hi zerh 3 chung mipi sin achuak ti lo va si kaw an ram thawng zamh News lei rian tuan tu pawl cu an um har ngai lai tiin keimah ruah tein a ka ruah ter ngai ve,voi khat cu BBC nih an university siang hlei run pawl sin ava kal ,ni fatin an tuah mi cu zing ka tein an tho i ramhla sak pah in Be ngia be (keh orh keh orh ) an kal ,zoh ah ral kap bantuk khi an si ko,mirang pa nih cun an siang inn chung cun ca achimh pah ah khin michael Jackson kong a chim Michael Jackson cu a ho dah asi zei ban tuk min thang dah asi tiin university siang hlei run nih cun an hal len khua a ka ruah ter ngai mi cu Kawi Kim nih pei innka an khar khumh dih ve ko hi tiah ka lung cam ngai,kawlram tan shwe chan lio nak in an zual deuh,mi rang pa nih a hal rih mi cu mah nan siang inn kai mi University nan dih hin tah zeidah tuah nan i tinh cio tiah ahal hna i an leh mi cu kan thei rih lo cozah nih rian tha pakhat khat ah an kan chiah te ko lai tiin an leh kan nih kawlram kha cu kan ram a chia kha tuk ve ko nain ka siang in ka dih ahcun cucu khakha katuah lai tiah siang inn sang fimthiam nak ngei mi nih cun ruah channak an ngei kho deuh sua mau,theih hngalh nak le fin thiamnak ramkhel lei tbk pohpoh an fim sual lai tiah inn ka an kan khar khumh ve ko nain naorth korea nak cun tlawm pal te kan tha deuh kan ti ko lai,kawi kim acei ngai mi hi a ram uk nak tha si seh law  US ram si zung um te hnahi a caah a va fawi tuk ko hnga,ram tha lo i hruai tu pawl an i harh bik tawn mi cu zawtfah dam lo nak fak piin an ton zawn i ram leng sing zung ah an i piah khawh ton lo hi asi .bbc

Pumpululh chuih ruangah suimilam 100 chung raltuknak

Lian Chawn:

Pumpululh hi nihin vawleicung mi tam bik nih kan uarmi le a kan hiip biktu lentecelhnak phunkhat a si ti cu al awk um lo. Pumpululh chuih nih ramkhat le ramkhat ipehtlaihnak le ihawikomhnak zong a thawnter deuh lai ti i remdaihnak zong a chuahter deuh lai tiah ruah a si. Asinain bawlungchuih ruangin vawleicung tuanbia ah philh awk tha lo raktuknak zong a rak chuak bal ti zong tuanbia cahmai in hnawh khawh a si ve lo. Cucaah acheu nih pumpululh ral (Football war or soccer war) an timi pumpululh chuih ruangin a thomi suimilam 100 chung raltuknak kong cu tuanbia ah a taang lan. Pumpululh chuih ruangin ai semmi suimilam 100 chung raltuknak ah ral ai domi ram cu El Salvador le Honduras an si i hi raltuknak ruangah minung a thong leng an thih pinah minung thong tampi nih an innlo an rak chuahtaak.

1969 June 26—1970 ah tuah dingmi World Cup i tel khawhnak ah El Salvador le Honduras an i zuam dih in an ramhnih karlak ah buainak a chuak. Cu ai semmi ral meici ruangin minung tampi thihnak tiang a chuakmi raltuknak cu a chuak.

Hi raltuknak kong he pehtlai in a ruang an kherhlai tikah pumpululh chuih ruang pin ah— hi ram pahnih hi ram innpa an si ruang le miphun i thleidannak lungput, an ram sipuazi dirhmun zong hi hrelh awk tha loin ai telmi a si. El Salvador le Honduras hi ram innpa an si—Honduras ram hi El Salvador ram nakin a let nga in a kau deuh. El Salvador ram hi Honduras nakin a fa deuhmi ram a si ko nain milu ahcun El Salvador milu hi Honduras milu i an let hnih a si. Cucaah El Salvador minung tampi cu an ram pawcawmnak a har caah Honduras ram ah an pem. Cinthlaknak in an paw an i cawm. Ral an i tuk lio 1969 ah Honduras ram ah a ummi El Salvador milu sing thum hrawng an si i Honduras milu i cheunga cheukhat an si.

1960 ah Honduras cinthlaknak lei nih cinthlaknak lei an sipuazi ah an ram pem El Salvador pawl nih harnak tampi an pek hna an hmuh tikah thawl dingin upadi pakhat chuah dingah acozah sinah an rak hal. 1967 ah vawlei ngeihnak nawl upadi pakhat Honduras cozah nih an chuah. Cu upadi ning in Honduras ah a ummi El Salvador miphun i an leikuang le an cinthlaknak hmun tampi an sungh caah El Salvador miphun tam ngai an ram ah an rak kir than. Honduras pawl khuaruah le thil tuahmi ruangah El Salvador miphun tampi harnak an tong i an ramhnih karlak i pehtlaihnak ah i remlonak le lung i hmuh thiamlonak meici ai sem.

1969 June 8 ah hi ramhnih 1970 World Cup i tel khawh nakding ah a voikhatnak pumpululh (Play-off first leg) Honduras khualipi ah an chuih. Cu ahcun mizapi nih an tanhning daan a fak ngai. Cutan ah Honduras nih El Salvador cu 1:0 in an rak tei. Hi puai lioah puai zohtu zong an i vua. Puai dih bakah khuaruahhar in thil a cangmi pakhat cu El Salvador an sungh lungfah tuk le ngaihchiat celh lo ah El Salvador nungakno Emelia (Kum 18) amah le amah meithal in ai kap i a thi. Emelia nih amah le mah ai thahmi hi hruh bia rumro a si ti khawh a si nain hi lio i an ram hnih karlak i zuamcawhnak le i pehtlaihnak a chiat tuk lio a si caah Emelia cu El Salvador rampi nih miraltha pakhat ah an ruah i upatnaktu an pek. A ruak an thlah ni ah El Salvador mizapi a thongthong pinah an president le El Salvador pumpululh phu dihlak an i tel. Emelia ruakthlahnak kong cu TV zong in an ram pumpi ah an thlah.

          Emelia thih cu a lakka ah a cang lo. Mah ngaknu a thih ruangah El Salvador pumpululh phu an thinlung a thawng chinchin i 1969 June 15 World Cup tel khawhnak a voi hnihnak (play-off second leg) cu El Salvador ah an chuih. Hi tan ah, El Salvador nih Honduras cu 3:0 in an tei ve hna. Hi lioah cun puai hnih chuih ah kawl tam deuh kawltu nih tei thai timi phung a um rih lo caah voikhat veve an i tei tiin ai tluk ah an chiah i puaikhat a chuih nolh ding an si. Cu puaikhat chuih nolh ding cu anmah ram ah chuih veve ti loin Mexico-city ah Play-Off chuih ding an si. Play-off an chuih hin cun ai teimi paoh 1970 World Cup ah ai tel ding an si cang. 1969 June 26 ah Play-off cu an chuih ciammam i an thiamnak dihlak chuah in an i cil hnu—a caan zong an sauh hnu ah El Salvador nih 3:2 in an tei hna.

Puai a dih in Honduras ah a ummi El Salvador miphun nih diriam tuk le lawklei tukin an teinak lunglawmhnak an langhter tikah Honduras pawl nih an sungh celh lo le an ngaihchiat lungfah lung in an velh hna i miphun pakhat le pakhat karlak buainak nganpi a hung chuak. Honduras cozah nih thawng pakhat an hun thanhmi cu, “A kan buai hnawhmi El Salvador miphun velh le thawl ruangah cozah nih dan kan in tat hna lai lo—El Salvador miphun nih an temtuarnak ruangah cozah sinah sunghzatlak man hal khawh a si lai lo,” ti a si.

Honduras ram ah El Salvador miphun serhsat an tonmi ruangah a lung a fak i ai lungsi lomi El Salvador cozah nih Honduras cozah sinah ral i tuk dingin thawng an thanh. El Salvador minung phur vanlawng pawl ah pound 100 a ritmi bomb an thlaih i vanlawng in heh law tiah Honduras ram cu an thuat colh.  Honduras pawl cu an lung a mit, an i vei luklak kar ah Honduras khualipi pa 8 i zungpipa umnak vialte El Salvador pawl nih an lak dih manh. Honduras le El Salvador hi vawlei ralpi II lioah American nih raltuknak sakhaan ai chiahnak hmun an si caah ralpi II lio an hmanmi F4U vanlawng tampi a um. Cu ruangah hi ramhnih an i tuk tikah vanlawng lawngte an hmang.  F4U vanlawng pakhat hnu pakhat a tla. Hi raltuknak hi vawlei ralpi II lio i hmanmi vanlawng in a hnu bik i tuk thannak zong a si.

Nili cung bak cuti cun an i phomh hnu ah American ram pawl komhnak (OAS) nih an tlangtlak hna hnu— an then hna hnu—suimilam 100 chung an i tuk hnu ah an meithal an chiah, an vanlawng an dinhter. Ral an i tuknak hmun hi Honduras leikap ah a fah deuh caah Honduras pawl nih fak deuh an tuar i ralkap le ramchung mi 2100 tluk an thi. El Salvador lei ah ralkap he ramchung mi he 900 tluk an thi ve. Hi raltuk ruangah hi ram pahnih karlak ah kum saupi ipehtlaihnak tiang a cat.

1970 World Cup ah El Salvador ram an i tel. Asinain atu tiang hi ramhnih pumpululh an chuih paoh ah an i zuamning hmual a fak peng rih.

Malala Akap tu kan tlaih cang anti

Pakistan nu te amin Malala Yusufzai hi 1997 july 17 ah a chuak mi ngak chia te a rak si.a tu ah cun vawlei cung nu saltha tampi lak ah malala hi a lar bik asi tiah tu lio mi cheu nih an ti theu,a bia chim le a ruah nak a ral that zia hi nu saltha cu asi hrim hrim ko.vawlei cung zohchun tlak mi hna Nobelprize pek tlak bik an si ko tiah ruah mi minung 5 lak zawng ah a min atel ve ti si.Nu pawl hi fim nak ca cawn siang inn kai khawnak ahal ruangah Taliban pawl nih Malala hi an rak thah ko nain athi lo.a lu ah kuan fang nih akhen ko nain athi cang rua tiah Taliban pawl nih an ruah mi asi,a luan cia kum 2 lio khan an rak kah i cu lio i akap tu tiah an ruah mi pa 2 hna cu kan tlaih cang hna tiah Pakistan ralkap pawl nih an ti. An tlaih mi minung 10 hna hi Pakistan Taliban hriam tlai bu atu i an hruai tu asi mi (Mullah Fazlullah) caah rian tuan tu an si tiah Pakistan ralkap bawi biachimnak nawl ngei mi Boohmu chok ( Asim Salim Bajwa )Nih a chim.atu bantuk in kan tlaih khawh nak ding caah kum 1 chung caan kan lak tiah a ti. Taliban lei in biachim naknawl ngei tu (Jamaat ul Ahrar) nih cun a tu an tlaih mi hna lak ah Malala a kap tu tiah an ti mi hi cozah ralkap pawl an lih lawng te asi a taktak akap tu pa 2 hna hi atu an luat ko tiah a ti ve.bbc

Capo ralkap chan lio thantlang pa phone

Hlan lio ralkap chan lio cu phone hi ahar tuk i mi si kho deuh mi khuasa kho deuh lawng nih phone hi ngeih khawh asi ti si, ralkap chan lio ah cun Thantlang khua ah pa khat pa cu phone acawk ti si,a cawk le cang ka cun mizapi hmuh khawh nak zalam tlang pawng ahcun a dir i ka phone cawk mi hi mi nih an ka thei ve sual lai lo tiah heh ti in phone cu a chawnh len ko ti si, asau ngai aruah hnu ah cun a pawng ah pakhat pa a ra i phone ngei pa cu ka chawnh lai ati nain a phone cu aa tlaih i amat lo tuk ti si asau tuk a hngah hnu ah phone ngei pa nih cun a phone cu tlawm pal a kut in tang ah a thumh i kawi na ka hngah nak asau tuk cang rua sorry bak si ka ngai thiam ko ka hawi le nih an ka chawnh i dakaw ka phone ka chiah thiam lo cu aherh mi um maw tiah ahei hal ti si,a pawng ah a hngak peng mi pa nih cun aw asi a tu na hman lio mi phone kha a line kan bunh rih lo i a tu a hri bunh ah ka ra van bunh ta u sih ati ti si loh bak.

Dr.Cung Lian Hup le DCCYF mino

LAIMI MINO NIH KAN NGEIH DINGMI LUNG PUT

(1) Jesus nih,"kei cu nunnak kha an ngeih i,duhdim te in an ngeih khawhnak hnga caah ka ra, " Tiah ati . (Johan 10 : 10 ) Nunnak hi kanmah ta asi lo . Pathian ta asi.

(2) " Cuka i a thlai vemi misual pakhat nih cun jesus cu a nihsawh i, Messiah cu na si kun lo maw? Nang mah cu i khamh law kan nih zong kan khamh ve ngat?'tiah a ti."Luke 23:39 ).Mi va nihsawh nak ah hin thliri ngeih le,chawva ngeih le mi dang nak in thiam le, san deuh fim deuh a hau lo. A nihsawh nak lung put te ngeih ah a za ko.

(3) jehovah Jereh,"kan ti lengmang mi hi, to sawhsawh i pathian nih atuah dingmi orh peng khai asi lo . Timh lamh ding vialte timh lamh dih hnu ah, ka fapa hi Bawipa caah ka pek lai ti i lungfak bu te in fapa ngeihchun bawipa ca pek khi"Jehovah Jereh," ( Gen 22:1-21).

(4) Biaknak ( Religion ) hi pathian ( Revelation ) asi lo. Luke 8:10-14 ah Farasi pa thlacammi kha biaknak asi.Cathiang chung bia kha chim thanmi bia poah hi Pathia bia asi hlei lo. Satan zong nih Cathiang chung bia cu ahman ve ko.( Mat.4)

(5) Hruai tu ah kan thimmi hna hi rumra ngeih ding ah kan thim hna an si lo. Mi ca i retheih tuar ding ah kan thimmi hna an si.

(6) Thlachuah ( blessing) hi thilri asi bal lo.Hnangamnak asi lo ah daihnak tu asi deuh.Thlachuah cu lungthin put i a rum mi tu hi an si deuh.Phundang chim ah cun milung thin chung i ram ngeih khi thlachuah cu asi.

(7) Nunnem hi ralchiat asi lo.Ral that tung i, sual lo tu hi nunnem kan timi cu a si.

(8) Hruaitu cu mi lungtho ( emotional) a si awk a si lo.Zum awk tlak mi asi deuh awk asi.

(9) "Stand Up for Yourself: All-day sitting hurts the body." (Time Magazine,September 8,2014.p.22 ) minung hi athu peng ding kan si lo.Dir i rian tuan ding kan si."Lai Mino Na tha thu hlah,"ti hi kan au pi awk asi bak tiah ka zumh.

(10) The way people treat you is a statement a bout who they are as a human being. It is not a statement a bout you.

Tu Lio UNFC Kong

Nan dam ttha cio lai tiah zumhnak kan ngei ko.

Thawngpang tamlak a chuah cang bantukin avoi khatnak UNFC Congress (Tonkhawmnak) cu nili chung tuah ding in timhtuah a rak si nain kan dih khawh lo caah bu dangdang he nikhat le cheu chung tonmi fonh in nikua chung tonnak kan ngei. Tutan ah a biapimi cu 2011 lio i rak sermi UNFC phunghram a thar in siamremh i fehter ding asi. Mah cu fehtermi phunghram ning in hmailei hruaitu ding hna thim i hmailei rianttuannak kong caihkhan ding asi.

Phunghram zohtthannak ah caan sau lakte kan rau. UNFC chungtel bu 12 leng ah ABSDF, DKBA, ALP, AA, KNU/KNLA Peace Council, tiin bu 17 kan itel, midang sawmmi (special invitees) zong an um rih fawn. Cu tikah hmuh ning ai khat lomi van chimrel cio tikah caan nih a kan za lo. UNFC ihruaining tungtlang zong a thar in sersiam a duhmi zong an um len fawn. A biapi in KNU nihcun ahlan ihruaining si deuh ti loin thlen le siamremh an duh. An duhnak cathluan zong an chuahpi. An duhnak zohchih in phunghram chung ah ai telmi zeimawzat cu remh asi ko nain caan nih a kan zat lo caah le duh ning ai dan deuh rih caah KNU nih tonkhawmnak in an chuahnak kha asi.

An chuahnak cu cattial in tonkhawmnak Presidium sin ah an langhter. UNFC chungtel sinak in chuah thai si rih loin chungtel sinak in chikkhat van ngol i anmah KNU Central Standing Committee chung ah caihhmainak ngeih hmasa ding ti asi. KNU cu bukomh a hruai lengmangmi bu pical an si bantukin UNFC chungtel sinak cu an chuahtaak thai lai lo tiah ruahchannak kan ngei ko. 

Tulio cu caan biapi asi lawng siloin CNF zong nih UNFC bukomh fehternak caah le remdaihnak lei karhlaan chinnak caah thazaang chuah a herh tiah kan ruah caah UNFC Council ah aiawhtu panga (Salai Kipp Kho Lian, Pu Zing Cung, Pu Khua Uk Lian, Col. Solomon, le Salai Thla Hei) le CEC caah Salai Thla Hei hna kan itelnak asi. CEC thimnak cu Council chungtel hna chung in CEC ah ai tel dingmi hna chung ah zaukphung ning zulh in thimnak ngeih asi. Thimmi hna cu cachuah chung ah nan rak hmuh dih cang lai tiah kan zumh.

CC chungtel dihlak nih faak chinchin in thazaang kan chuah hna i CNF le CNA hram fehter in hmunhlum (tlangcung miphun kan ti tawnmi kha thleng cang hna usih, tlangcung ah kan um dih lo caah) miphun le bukomh hram kan fehter chin lai, lungrualnak thazaang in kan rampi kan siamremh i Bawipa nih kan nuhrin covo ah a rak kan pek cangmi zalonnak covo hna tlamtling in kan hmuh hlan tiang kutsih in ttang chin hna usih!

Tulio thilsining le boruak kong theih hngalh chap a duhmi nih +66-095-792-9372 ah van pehtlaih khawh ka si lai. Thlarau thianghlim nih lam in hruai cio hna in ram le miphun caah in hmang chin ko hna seh!

STH

Chiangmai

ISIS Hriamtlai le vawleipi

ISIS Hriam tlai bu hi zeitin dah an thawh kehnak asi?mi zeidah an si?

   

 

  Isis pawl hi islumic state (ram) aser tu hna an si i vawlei phung ning in i uknak hi an duh lo i an mah muslim biaknak in uk mi ram ser azuam mihna an si.an nih hi islamic buu pakhat an si kan ti lai cu Syria ram ni chuah lei le Iraq ram chak lei le ni tlak lei vial te khi ISIS hna nih cun an lak dih.mipi sualnak ngei lo hna an duh poh in an thah an haung an tan hna,miphun tlawm deuh le biaknak tlawm deuh pohpoh islam asilo mi poh cu an thah cuahmah,thawng la tu hna le ralkap  zawng an tlai i an hawng an tan cuahmah,hi hna bu thil tuah nih hin kan vawlei pi cu thinphan thla lau tihphan nak he aum ter i mi thin ahun ter ngaingai.

          mahbantuk an tuah sernak nih hin America ralkap hna zawng ral an doh ter than nak hi a si,ISIS i an itinh mi cu minung pakhat lawng ram khel le biaknak lei hruai tu nih Yazidi anti mi anmah muslim biaknak phung i an hman mi (caliphate) tiah an auh mi islamic ram ser ding kha asi.atu lio an thazaang hi Iraq le Syria lawngah an um nain ISIS pawl nih ramri pawl hnakha an tan hna i Jordan le Lebanon hna tiang in an tha zang an kauh cuahmah,Palistine hi cu luat ding in an biakam asi.cun an hruai tu asi mi A Bakr biakamnak tuah ding zawng kan hal lai anti.

          ISIS i an hram an thawh kehnak taktak in kan lak lai ti cun a thi cia mi Jordan ram mi asi mi A Bumas e ya ka wie 2002 lioah  a dirh mi bu kha ISIS i athok nak asi tiah kan tikhawh.Iraq ah american hruai mi UN ralkap pawl an luh i kum 2 arauh hnu ah Mr Yakawe nih Al-Qaeda hruai tu Osma Bin laden kha biakamnak tuah in Iraq ah AQI tiah auh mi Iraq Al-Qaeda tiah buu aderh,hi buu hna hi mah caan lio thok in Iraq ah ram dangdang in rian tuan tu buu pohpoh UN tbk pawl hi a doh tu buu an si, Mr Yakawe athih hnu 2006 ah AQI nih a dangdang hriam tlai buu pawl kha a khomh hna i ISIS tiah auh mi Islamic state in Iraq ( ISI ) tiin an dirh.asinain American pawl nih an dohnak le ISIS i an tuah sernak aduh lo mi Sunni arap miphun pawl nihSahwa timi kha adang tein an dirh caah ISIS i an tha zang hi duhsah tein ader ziahmah.

     2010 ah Abakr hruaitu asi hnu ah ISIS i an tha zang kha a hrimh tthan,2013 thok kain ISIS pawl hi Iraq ah raldoh nak thla 1 chung in tamlak an tuah khawh.cuhnu ah ISIS pawl hi Syria Presidenh Assad ado tu pawl sinah ava peih ve i ( A-Nusra ) timi hriamtlai bu pakhat kha a khomh khawh, 2013 April ahcun Bakr nih Iraq le Syria ah aralkap pawl kha afonh hna i ISIS tiah an kawh i Islamic hriam tlai buu kan ser tiah thawng thanhnak an tuah.cuhncun ISIS pawl cu an lor hna hi Iraq ralkap hna zawng nih an chei ti lo i ati ti awk an tha ti hna lo,US nih iraq cozah ralkap hriamnam nganngan a chiah tak mi hna zong ISIS pawl nih an chuh dih hna,an thawng chinchin Zinan khor thatha an lak hna cun ISIS akau chin cuahmah an rum chin chawleh nak tlanglam thatha le khua lian lian hna zawng ISIS pennak chung ah an cang dih,ISIS pen mi ram chung ah aum mi biak nak dang le mi phung dang poh cun abu bu in hawng tan cuahmah ansi.

     US dot hlat tu pawlnih ISIS i tha te ral do pawlhna hi 15000 hrawng an si lai an ti nain Iraq dothlat thiam pawl nih cun a tlawm bik 30000 in 50000 hi tha te ral ado tu an si tiah an ti ve .ISIS i ral do tu pawl hi Syria le Iraq ram mi lawng si lo in vawlei cung ram 81 nak tamdeuh miphun dang muslim 12000 leng nih ISIS ah an lut i ral an do pi hna tisi,ISIS i ramdang mi 2500 hna hi aluan cia kum 3 lioah syria ram ah an lut i atu bantuk in an doh pi cang hna tisi.hi 2500 hna hi nitlak lei ram in arami hna an si tiah dothlat tu Soufan Group nih an chim.ISIS pawl hi van lawng kahnak tbk Iraq raldohnak theng an chuh mi hna an ngei i raldohnak phung tling te an ngei,ISIS in an ngeih mi chawva hi tangka sa le thil dangdang he cun US $ 2000 million hrawng cu asi lai tiah an tuak,vawlei cung hriam tlai phu ah arum bik cu an si cang tiah an ti.ISIS hna hi kanmah hi muslim biaknak thabik atlaih mi cu kan si tiah an i ruah i adang vawleicung i biaknak dang vialte hi cu muslim hrawk tu hna an si tiah an bom mi cu asi,cucaah muslim ramser i cu ram chung cun biaknak dang zeihmanh um ter loin muslim biaknak hruai tu hna nih ramkhel lutlai rian kha an tlaih lai i vawlei ram i uk phung ning in i uk loin muslim biak nak phung ning in uk nak phung ser kha an duh mi cu asi.bbc

CNF Lutlai PU NO THAN KAP Tuanbia

CNF Nih Pu No Than Kap (aka) John Khaw Kim Thang He Pehtlai In Fianternak

November 28, 2007

Biahmaitthi

John Khaw Kim Thang ti zongah auhmi Pu No Than Kap cu Chin National Front (CNF) i chungtel sinak in siseh, CNF i Hotu sinak le CNA i ralkap lutlai sinak in siseh, Miphun Humhimnak Committee nih 1992 December 9 ah chuah asi.

Pu No Than Kap cu CNF in chuah asi hnu ah India ramchung ramkhelrian ah aa thlak lengmang caah India ram humhimnak ralkap nih an tlaih i Kawl ralkap sinah an ap hnu ah Bible sianginn pakhat ah siangcachim rian a ttuanmi pa asi. Kum 2006 i USA a tlawn lioah CNF he aa pehtlai in adik lomi bialehla a chim pinah Rev. Dr. Val Thang he biathanhnak pakhat an chuahmi zong kanmah lei in bialehnak kan rak tuah hna lo. Naite ah Malaysia a tlawng i Hruaitu he biaruahnak an ngeihmi zongah CNF he aa pehtlai in siseh, CNA he aa pehtlai in siseh adik lomi bialehla a chim tthanmi kan hmuh tikah hiti ningcang lo i thil a tuahmi nihhin Chin miphun dohthlennak le lungrualnak hnahnawh a pek khawh tiah kan ruah caah Pu No Than Kap he pehtlai in CNF thawngthanhnak bu (Publicity and Information Department) nih hi fianternak ca hi a tanglei bantuk in kan chuah.

CNF Aa Thokka Thilsining

1. CNF Aa Thoknak

Pu Ttial Khal hruainak in CNF cu 1988 March 20 ah rak dirh thokmi asi. Aa tinhmi cu Federal ramkomh dirhnak, zaukphung (democracy), minung covo le mahte khuakhan lairelnak nawl kan ngeih tthan khawhnak ding hna hi an si.

2. Pu No Than Kap Nih Patti Hotu Sinak A Laknak

1988 kum donghlei ahkhan Pu Ttial Khal hruaimi CNF nih Pu No Than Kap cu mirang ca a thiammi asi caah ramdang lei pehtlaihnak lam kawlter dingah an sawm ruangah CNF chungah a hun itelnak asi. 

1988 kum ah Pu No Than Kap cu CNF aiawh in Manepalaw ah meeting a rak kainak in a hung tlun tthan tikah meeting ka kainak ah, “Bu danghna cu Hotu sinak lawngte in sen an thut dih caah kei zong nih CNF Hotu sinak in sen ka thut ve, cucaah CNF Hotu sinak hi ka kian lawlaw ko” tiah a halmi cu CNF dirhnak i aa telmi Pu Lian No Thang le Pu Ro Eng nih cun an rak duh lo. Asinain Pu Ttial Khal hrimhrim nih Pu No Than Kap cu amah tupa asi ruangah le mino cathiam asi pinah mirang holh chimrelkho asi caah tiin Pu No Than Kap nih a halmi cu cohlanpiak dingah adang hruaitu hna cu a soilem hna caah Pu No Than Kap CNF Hotu i a hun icannak cu asi. Patti Khawmpi nih siseh, Cabinets chungtel hna lungtlinnak in siseh, CNF Hotu sinak a phanmi asi lo.

3. Pu No Than Kap CNF Hotu Sinak In Avoi Khatnak Chuah Asinak

Hotu Pu Ttial Khal hruaimi CNF hmunhlum (headquarter) nih Pu No Than Kap cu ramdanglei pehtlaihnak ttuanvo ngeitu sinak in ttuantti bupawl meeting ah an thlahmi asi nain Patti Hotu sinak a lakmi cungah lungtlin lonak hna cu 1989 kum thoklei ahcun a parpazik a rak phan.

Cu pinah Pu No Than Kap nihhin India Cozah nih CNF a bawmhmi phaisa Rupees nuai khat (RS 1000000.00) cu Pu Ttial Khal a umlo karah a nupi sinah phaisa chuahnak chek cu lihttawn in a hal i amah nawl in phaisa a chuah i a hloh. A cunglei tarlanghmi pahnih ruangah Hotu chang asimi Pu Ttial Khal, Humhaaknak Lutlai Pu Ro Eng (Defense Minister) le an hawile hna nih 1989 October 6 ah Pu No Than Kap cu CNF in avoi khatnak an rak chuah. Asinain Pu Val Thang, Pu Tlung Luai, Pu Sang Hlun, Pu Tluang Lian hna le 1988 hrinsor Sianghleiruun kai hna nih Pu No Than Kap cu an rak dirkamh caah CNF Hotu dirhmun ah a rak hmunh khawhnak asi.

4. CNF Tthen Hnih Ah Aa Cheunak

Pu No Than Kap nih CNF cu amah duhning in a hruai caah siseh, Phaisa ningcang loin a hman caah siseh, Pu Ttial Khal le Pu No Than Kap karlakah ihmuhthiam lonak a chuak i 1989 October 6 ah Pu No Than Kap cu CNF in avoi khatnak an chuah hnu ah Pu Ttial Khal hruaimi hna nih CNF (Origin) ti min put in India-Bangadesh-Burma ramri hrawngah ralhruang iserh in anmah tein cawlcangh hram an rak thok. Cuticun Pu No Than Kap hruaimi CNF le Pu Ttial Khal hruaimi CNF (Origin) tiin CNF cu tthen hnih ah a rak icheu. Pu Ro Eng, Pu Lian No Thang le Aizawl um Chin miphun cheukhat hna nih Pu Ttial Khal cu an rak dirkamh i Pu Val Thang, Pu Tlung Luai, Pu Sang Hlun, Pu Tluang Lian le 88 hrinsor sianghleiruun kai hna nih Pu No Than Kap cu an rak dirkamh ve.

5. Pu Ro Eng Thah Asinak

Pu Ttial Khal hruaimi CNF (Origin) in Pu Ro Eng hruaimi hna nih CNF tthen hnih ah aa cheunak he pehtlai in remnak ser dingah thlahmi ZORO in Pu Lal Sang he ikomh zau in India-Bangadesh ramri ah ralhruang an rak iser. Cu lio ahcun Pu No Than Kap hruaimi CNF cu Bangladesh ramri ah ralhruang iser in an  rak um cang. Pu Ro Eng le Pu Lal Sang hruaimi hna nih Pu No Than Kap hruaimi CNF cu tuk ding le ramh dingah an rak fuh hna. Pu No Than Kap hruaimi CNF nih 1989 December 18 zanlei sang ah Pu Ro Eng le Pu Lal Sang hruaimi minung 14 cu meithal zuun thum he an tlaih khawh hna i Sekenah ralhruang ah thong an rak thlak hna.

Pu Ro Eng tel in Pu Tluang Hre le Pu Lal Sang dah ti lo adang thongtla hna cu 1990 February 3 ah an dihlak in an rak thlah dih hna. Pu Lal Sang cu May 11 ah Mizoram ah an rak kuat nain India ram Parva an phanh ah May 12 ah a nunnak a rak liam. Pu Tluang Hre cu thong chung a um lio June 25 ah thi ttum zawtnak in a nunnak a rak liam ve.

Pu Ro Eng tel in an pathum in thonginn in voi hnih tiangtiang an rak zaam nain an rak tlaih khawh tthan hna. Pu Ro Eng cu July thla dongh zarh ah avoi thumnak a rak zaam caah a cunglei nawlpeknak bangin 1990 kum August 5 ah thih dantat a rak tuar. Pu Ro Eng thih dantat kong he pehtlai in Pu No Than Kap nih khual ka tlawn kar asi i thih dantatnak a petu hi Pu Sang Hlun asi caah tleicia Pu Sang Hlun hi ttuanvo a ngeimi asi i keimah cungah ttuanvo zeihmanh a um lo tiah kum 2006 May 13 ah maivan cungin Pu No Than Kap nih cun Pu Val Thang he ikawp zau in ttuanvo an ngeihlonak kong fianternak ca an rak chuah. A ngaingai ahcun hi kong he pehtlai in ttuanvo a ngeibik cu CNF Hotu asimi Pu No Than Kap hrimhrim hi asi ko.

Pu No Than Kap Hruai Chung CNF Thilsining

Pu No Than Kap nihhin kum thum chung mipi ruahnak tel lo thahrum miuknak in siseh (dictatorship), phaisa ningcanglo hmannak siseh, pengtlang lungput karhternak siseh, pumpak nunzia rawhralnak siseh, hriam hman in miramhnak siseh, ningcanglo mitlaihnak siseh, ningcanglo mithahnak siseh, lam phun kip in CNF cu a rak hruai. Ramkhelrian kong ihruainak zongah pengtlang pakhat le pakhat karlakah siseh, phunhram pakhat le pakhat karlakah siseh, ilunghrinhnak um dingin thlaici a vorh pinah amah nawlngeihnak a hmunh khawhnak ding caah lam phunphun a rak hman. Ralkap kong he pehtlai in hriamnam le thilri ramdang in bawmhnak kan hmuh cang tiah lih a chim pinah ramdang in hriamnam le thilri phurtu ding vanlawng ttumnak ding hmunhma zong a rak kawlter lengmang hna. A rak chim ttheumi cu, “Ralkap thazaang kan khawmh khawh ahcun meithal cu mi pakhat ah zuun hnih zuun thum tiangin nan ibai lai,” tihi a rak si i lihttawn in mi a rak sawm lengmang hna.

1. Pu No Than Kap Tuahsernak Cungah NSEC Sualphawtnak

Pu No Than Kap cungah a tanglei phun thum hin sualphawtnak an chuahpi.

(a) Nawlngeihnak Ningcanglo Hmannak

1989 in 1992 tiang CNF nih ttialmi Patti Phunghram cu Patti Khawmpi nih phung (mu) le pawlasi thlak in ttialmi siloin Pu No Than Kap nih amah duhning in a ttialmi CNF Phunghram tu a rak si. Cucaah Patti Phunghram (constitution) le phungphai hna cu Patti Hotu pakhat le Patti chungtel pakhat khat nih ttial hi aa tlakmi asi lo tiah mi tam-uu nih Pu No Than Kap cungah sualphawtnak an rak tuah.

Kachin ramkulh Kachin Independence Organization (KIO) hmunhlum (head quarter) ah Alexander Hrang Vung Thang cu Major reng pek asinak kong mirang ca in cakuat (ce-nan) pakhat cu Gen. Zaw Maing sin ah a rak kuat. Cu ca cu aho hmanh theihter lo ding tiah (Roger) ti min in a rak ttialmi asi. Cu lio ahcun Pu Roger F. Biak Lian Thang cu CNF i ramdanglei pehtlaihnak lutlai sinak in KIO hmunhlum ah CNA ralkap hna he a rak um lio asi. Pu Roger hngalh loin athli in CNA ralkap Major reng tiang kaiter hi Pu No Than Kap i a din lonak le a lung a thian lonak a langhnak cu asi.

Patti nih KIO sinah ralthiamnak cawn dingin Chin mino 70 cu China-Burma ramri i KIO sinah a rak thlah hna. Kum hnih rau in cawnnak phunphun an ngeih hnu ah 1991 February thla cheu hrawngah Chinland ah an rak kir tthan hna. Kum 1991 May 25 ah Naga National Council hmunhlum an rak phan i cuticun June thla 3 ah Naga National Socialist Council (Nukpa) khua cu an rak phan hna. Chindwin tiva a lianh ruang ah le tava dang hna an lianh caah furpi chung NSCN (K) hmunhlum ah an khuallam cu an rak idin. Pu No Than Kap nih India ralkap mingiathlai hna bawmhnak in ralkap hna cu meithal zuun li-nga he aphuphu in a rak hruai hna. Avoi khatnak ahcun Maj. Alexander Hrang Vung Thang le Upa dang pawl a rak hruai hna. Micheu cu hriamnam tel loin mipi zaran thuam he India nichuah chaklei in an rak lut ve. Major Zing Cung hruaimi ralkap (11) le meithal zuun (12) cu 1992 July 22 tiang an rak kaltak hna.

KIO in an rak ikenmi meithal cheu thum cheu hnih cu India mingiathlai hna nih Chin Ramkulh, Burma, India le Bangladesh ramri hrawng ah an rak chiahpiak hna. Asinain taantakmi ralkap 11 le meithal zuun 12 an lak khawh hna lonak kong he pehtlai in Pu Val Thang nih Maj. Zing Cung sinah December 26, 1991 i kut in ttialmi catlap a pekmi chungahcun Pu Val Thang le India mingiathlai an rak iton lioah a phurtu hna ding motor a rak rat ti lonak aruang cu Pu Val Thang nih a hal tikah India pa nih “Nanmah John Khaw Kim Thang nih motor in keimah nih ka lak hna lai tiah a ka chimh” tiah a ttial. Cu pinah Pu Val Thang cu Maj. Zing Cung te phu laknak ding kong he pehtlai in Pu No Than Kap nih rian a ngolternak le Maj. Zing Cung tu ttuanvo a peknak kong zong theih tthan asi. Cu ca i biatlang kawmnak ahcun “Pathian nih lam thluanchuak an hruai hna lai i Chinland nan phan kho ko lai, zei kong hmanh ah kan Hotu pa ttuanvo dih asi ko” tiah Pu Val Thang nih a ttial. Cucaah a fiangmi cu Pu No Than Kap nih Maj. Zing Cung hruaimi ralkap 11 hna cu him tein a lak duh hna lo pinah an rawhralnak ding khua a khan biatu khi a rak si ko. Asinain nichuah chaklei India ram dohthlennak bu hna bawmhnak thawngin Maj. Zing Cung hruaimi ralkap 11 le meithal zuun 12 cu kan nu Chinland ah hriamhma tong loin 1992 October thla chungah an rak phan kho ve.

      Maj. Zing Cung le ralkap hna ral karlakah hriamnam he rak ratternak aruang cu 1992 November 6 i CNF Cabinet Meeting a phanh tik ceu ah fiangfai tein hngalh khawh a rak si. Cabinet Meeting tuah hlan deuh ah Pu No Than Kap, Pu Tlung Luai (Defense Minister), Maj. Alexander Hrang Vung Thang (Ralbawi lianbik) hna nih Maj. Zing Cung cu an ton i Pu No Than Kap nih “Nangmah cu CNA ral kap na si caah kan nawl na ngaih ahau, kan duhning paoh in kan in tuah khawh” tiah a rak timi zoh tikah Maj. Zing Cung cu Patti hmunhlum tiang phanhter ding an duhlonak a fiang ngaingai. Patti hmunhlum cu phanh khawh siko hmanh sehlaw ahmun phanh hlandeuh ah ralkap cu amah mizumh pawl nih tlaih le uk ding a rak itim ti kha hmuh khawh asi. Hnudeuh ahcun Pu No Than Kap amah hrimhrim nih Maj. Zing Cung cu a ton i “Nangmah hi ihruainak leikap ah a thiam tiah upa danghna nih an chim caah Tawlzarel (General Secretary) kan ttuanpiak” tiah a rak chimh. Asinain Maj. Zing Cung nih cun Patti Central Committee nih lam dik le lam hman in ttuanvo pekmi asi lo ahcun ka ttuan kho lai lo tiah a rak leh.

Cu pinah Pu No Than Kap hi hlathlainak zong tuah loin le amah nawlngeihnak pakhat bak in CNA ralkap hna amah duhning in a thattu pa asi. Cuti thil tuah a hman ca ahcun CNA ralkap hna cu kannih thih caan zeitik dah asi te lai tiah thinphang thlalau in an rak um. Ralkap a thah tik hna ahhin raltu dingin a thlah hna i a thah duhmi minung kha hmaisabik ah a kalter hna i an hnu in a kah tawn hna caah ahohmanh nih hmaisabik kal an rak ngamh ti lo. Hmaisabik kalter ahcun keimah caan asi cang rua tiah thindomh in an rak um hna. Pu No Than Kap nawlpeknak ruang i thah a tuarmi cheukhat hna cu a tanglei ah kan hun tarlangh.

 

S/n	Min	Kum	Hmun	Sualphawtnak
1	Lai Peng	1990	Khuasikcaan,hluah-ahlio, Sung tibaw khua	Nu ruangah
2	Vision	1990	Khuasik caan, hluah-ah lio	Phaisa ruangah
3	HrangBualSawn	1990	Zinte khua kainak	Phaisa kholh
4	Hmah Ngai	1990	Zinte khua kainak	Phaisa kholh
5	Zam Aing Sing	1992	Leilet pawng	CNF doh ruang
6	Koh Yah	1992	Parva, Lunghring tlang	Phaisa kholh
7	Chuan Kung	1992	Champhai pawng, Tio tiva	Phaisakholh,nu ruang
8	MC (Thanghei)	1992	Bangladesh, Hmunhlum	Thawngnachuahterlai

Cu pinah NSCN hmunhlum i a ummi KIO in a rak kirmi CNA ralkap hna le an hriamthil hna cu India ralkap mingiathlai hna nih an phurhpiak lio hna zongah Pu No Than Kap nih “Hal le Laak Pawlasi” (Give and Take policy) a rak hman fawn. Cucu, CNF/CNA a rak bawmmi NSCN (Kaplang) hmunhlum umnak hmunhma dihlak kha hman thlak dih i India mingiathlai hna sin pek ding a rak si. Cu rian cu Maj. Zing Cung nih tuah dingin Pu No Than Kap nih ttuanvo a pek nain Maj. Zing Cung nih, “Kanmah kan herhmi zeizongte a kan bawmmi bu cu ka leirawi kho hna lo” tiah bia a rak al. Asinain Pu Val Thang nih Pu No Than Kap nawlpek asi tiah a ti caah NSCN ralhruang cu khuadawm nih a khuh lioah hman cu a rak thlak. India ralkap nih Maj. Zing Cung cu an hal tikah “Khuadawm nih a  khuh zungzal caah hi lawng hi kan thlakpiak khawh hna” tiah a rak leh hna. India ralkap nih “Vanlawng in kan kap kho hna lai maw?” tiah an rak hal tikah “Anmah zong nih AA Meithal (Anti Aircraft Gun) an ngeih pinah khuadawm nih a khuh zungzal caah kah khawh an si lai lo” tiah a rak leh fawn hna. Cuticun CNF/CNA a rak bawmmi bu hna hrawh ding zong Pu No Than Kap nih cun a rak ttih lo (thilrit ah a rak ruat lo).

Sen Thum Nawl Iap nih NSCN (I-M) ralkap 30 hna cu Chinland in Nagaland tiang a rak kalpi hna lioah Pu No Than Kap nih India ralkap cu burbuk chungin kah ding a rak fial hna. India ralkap pawl an ithuhnak lam lei in kal dingah Pu No Than Kap nih nawl a chuahmi cu ralbawi Pu Nawl Iap nih a lunghrinh i lam dang in a rak kalpi hna caah Nagaland tiang him tein an rak phan kho. Hi zong nihhin dohthlennak a tuahmi bu hna lawng siloin mah ralkap koko hmanh leirawi le thah ding a khing a rit lomi Pu No Than Kap i a lungput cu a langhter ngai ko. Cuticun Pu No Than Kap cu phung le lam le mitam-uu duhnak lak loin amah duhnak lawng in nawlngeihnak a hman lengmangmi ti cu hmuh khawh asi.

(b) Nu Kong Buaibainak

Pu No Than Kap cu nu kongkau ah mizuangzam asi ti cu zapi hngalh asi ko. CNF nih tthitumnak he aa pehtlaimi kong i phung a ngeihmi ahcun ralkap mipa nih kum 5, nu si ahcun kum 3 tlamtling in a ttuanmi lawng tthitumnak nawl pek asi lai tiah rikhiahmi a rak um ko nain Pu No Than Kap cu athli in nupi ai chiah pinah Patti chungtel nu pakhat cu a tlaihhrem in au a rak pawiter.

CNF Hotu a ttuan lioah nu pawl hna cu amah cawngtu dingah a pawngte ah a rak ichiah hna. Aizawl i a rak um lioah a rak iconghtermi nu pakhat cu nau a rak pawiter fawn. (Nau a pawitermi min kan langhter rih lai lo) Nau a pawimi cu Pu No Than Kap nih hrawh dingin a rak fial caah thi tampi a rak chuak i a rak thi dengmang. Cu nu nih cun Hlathlaitu Committee hmai ah thilsining adik in chim ding a rak itim ko nain Hlathlaitu Committee hmai ah chuak kholo dingin Pu No Than Kap nih Hlathlaitu Committee nih rian an ttuah khawh lonak dingah a phunphun in a rak kham.

Pu No Than Kap nih amah nawl in nu pakhat sianginn a rak kaitermi cu 1992 tiang ahohmanh a rak theihter hna lo pinah aho asi zong a rak chim ballo. Cu nu cu Nagaland Makokchung ah Bible sianginn a rak kaiter i athli nupi ah a rak ituah. (Cu nu min cu kan langhter rih lai lo)

Ramdang ah ka kal lai tiah a ti i Manipur ramkulh, Lamka khua ah a thla in a caam i nu pakhat he caan an hmang tti. Cuticun Pu No Than Kap cu a ziaza a rawk i nu kongah aa thlahthlammi asi.

(C) Phaisa Ningcanglo Hmannak

CNF cu zaukphung, federal ramkomh phung le mahte khuakhan lairelnak nawl kan hmuh tthan khawhnak ding ca i ral a thomi bu asi. CNA cu CNF i aa tinhmi a  phanh khawhnak caah mipi chungin a chuakmi ralkap bu asi. CNF nih a ngeihmi phaisa hna cu ttuantti bu pawl sin in siseh, ramri kutka pawl in siseh, ramchung ngunkhuai in siseh, a hmuhmi an si. Pu No Than Kap nihhin a nawlngeihnak cu ningcang loin a hman i a tupa Pu Thawm Hlei Mang (Ngunkeng) he an ikawp zau i athli in phaisa kawlnak an rak tuah, cucu upa dang hna zong an theihter hna lo. Cu rian cu ramri i chawletthal hna kha an ralkap va tlaihter le va ramh hna kha asi. Cu kong cu Cabinet upa pawl sin i thawng a chuah tikah Patti chungah faak ngai in buainak a chuak i Cabinet upa cheukhat hna cu bu chungin chuahnak tiang a rak phan. Patti phaisa tonghthamnak zongah upa dang hna theihter loin amah duhning bakin a rak tonghtham tawn.

Mipi ralkap tiah ruahmi CNA ralkap hna cu Pu No Than Kap nawlpeknak bangin an hmaikhuh bu in mipi phaisa le thilri an rak chuhter hna. Mirum pawl fir/tlaihkhih dingah Pu No Than Kap nih ralkap a rak hman fawn hna. Tiddim lei i mirum hna cu Champhai pawng ah a tlaihter hna i Rupees sing nga (Rs. 500000.00) in a rak tlanhter hna. Cu phaisa hna cu Pu No Than Kap nih amah duhning in a rak hman.

1989 kum ah India cozah nih CNF cu Rupees nuai khat (than khat) a rak bawmh. Cu phaisa chuahnak chek cu Pu Ttial Khal kut ah a rak um nain Pu Ttial Khal umlo karah a nupi a rak hlen i phaisa cu a rak ichuah. Cu ruang ahcun Pu Ttial Khal le Pu No Than Kap karah remh awk ttha lo tiang an rak phan.

1991 kum ah Pu No Than Kap, Pu Sang Hlun le Pu Val Thang hna cu CNA ralkap hna ton dingah NSCN (K) hmunhlum an rak phan. Hringeilo thawngthanhnak (wireless telegram) pahnih an rak iput i pakhat cu NSCN (K) laksawng an rak pek hna i adang pakhat cu Rs. 120000.00 in an rak zuar. Cu phaisa cu Hutu chang Pu Sang Hlun le Pu Val Thang (Tawlzarel) theihter hna loin Pu No Than Kap nih NSCN (K) sinin a chuah i amah duh in a rak hman.

Cu pinah Tawlzarel Pu Val Thang nih NSNC (I-M) sinin sing hnih (tinghnih) a lak ti i sual a phawtmi cu amah Pu No Than Kap nih sing khat (tingkhat) lawng ka lak tiah a rak chim. Cu phaisa a hmuhnak zong Cabinet ah theihternak a rak tuah lo.

Champhai ralzaam hna umnak i ralkap hna cu Zote, Tlangsam kutka hna ah chawletthal pawl phaisa a kholhter hna i cu phaisa hna cu a tupa Pu Thawm Hlei Mang nih Champhai i an bank ah a rak chiah tawn. Cu phaisa hna cu Pu No Than Kap chuah asi hnu ah Pu Thawm Hlei Mang nih a rak ap tthan tikahcun Rs 19.00 telawng a ap i a taangmi dihlak cu anmah phaisa bangin an rak hman. Cuticun bu nih ngeihmi phaisa hna cu anmah duhning in an rak hman caah bu chungah Pu No Than Kap cung i lungtlin lonak le zumh lonak a rak karhnak asi.

2. Pu No Than Kap Avoi Hnihnak Chuah Asinak

Pu No Than Kap cu nawlngeihnak ningcanglo i hman, upa dang hna theihter loin bu dang hna sinin phaisa lak le hman, miramh, mitlaihkhih/fir i phaisa hal le nu kong i buaibainak hna ruangah 1992 kum November 11 ah Cabinet meeting nih sualphawtnak an tuah.

Cabinet meeting nih hi kong he pehtlai in hlathlainak tuah dingah Hlathlaitu Komisin (Commission) cu chungtel panga tel in an rak dirh. Komisin nih hlathlainak an tuah thok in an Hotu Pu Sang Hlun nih Pu No Than Kap nih a rak dirhmi mingiathla bu Mu Van Lai (MVL) i Lutlai chang Pu Andrew Ngun Cung Lian a auhtermi hna he pehtlai in biatak a langh ding an ttih caah thilsining dik a chuah lonak dingin Komisin chungtel asimi Pu Van Thawm Lian le Maj Alexander Hrang Vung Thang nih a phunphun in khamnak le hnahnawhnak an tuah i Komisin cu a rawk. Cu hnu ah Pu No Than Kap hnatlaknak in Komisin Hotu Pu Sang Hlun cu Pu Tlung Luai in an thlen tthan.

Asinain kum 1992 December 3 i Komisin rian an thok tthan le cangka Maj. Alexander Hrang Vung Thang le Pu Van Thawm Lian nih ahmasa bantukin Komisin cungah zumhlonak an ngeihnak kong le Komisin nih thilsining dik an chuahpi khawh ko lai nain Komisin chungtel pathum hna nih kanmah hi lunghrinnak nan kan ngeih caah kan itel zong hi nan duh lai lo tiin chuanlam an rak sial. Cu pinah Komisin nih a tuahmi he pehtlai in ahmasa i hlathlainak an tuahmi cungah lungtlin lonak an ngeihmi ichuankhan zau in Maj. Alexander Hrang Vung Thang le Pu Van Thawm Lian nih cun Komisin in kan chuak tiah an thanh. Komisin zong cu a rawk ve. Cuticun Patti hruaitu hna karlakah remhchun awk ttha lo dirhmun ah duhsah in an panh cuahmah.

A donghnak ah Patti nih aa tinhmi lam a kalnak ah lamdik a phanh tthan khawhnak ding, miphun rian pehzulh in ttuanrel ding le Patti nih a dirpimi a rawhlonak ding caah Miphun Humhimnak Lakhruak Committee (National Security Emergency Committee) cu 1992 December 9 ah Pu Roger F. Biak Lian Thang hruainak in chungtel minung 10 he rak dirh asi. Cu Komitti nih cun John Khaw Kim Thang tiah auhmi Pu No Than Kap cu Patti nih a ngeihmi zulhphung hna a buar timi fiangtein a hmuh caah 1992 December 9, India caan in suimilam 08: 38: 08 ah CNF Hotu sinak le chungtel sinak in a zungzal ca in chuah asi.

3. Pu No Than Kap Patti In Chuah Asi Hnu Thilsining

1992 December 9 ah Pu No Than Kap cu Patti in chuah asi i Pu Roger F. Biak Lian Thang le Pu Cang Peng cu India, Bangladesh le Burma ramri i a ummi CNF hmunhlum ah an kal, Pu Zing Cung, Pu Benjamin Turing, Dr. Sui Khar le Pu Andrew Ngun Cung Lian hna cu Champhai ralzaam hna umnak ah an kal ve i CNA ralkap hna cu Pu No Than Kap Patti in chuah asinak kong cu fianternak an ngeih hna. Champhai i an um lio ahcun Pu No Than Kap, Pu Tlung Luai le Maj. Alexander Hrang Vung Thang hna zong an ralkap cheukhat hna he Champhai cu an rak phan ve. Champhai ahcun Pu No Than Kap nih Maj. Zing Cung le a hawile an 4 in thah hna dingin nawl a rak chuah i, a herh tik caan i hman dingmi (lakhruak in hman khawh dingmi) Kachin ram in an rak iphurhmi meithal hna chungin rifle zuun nga an lak i Maj. Alexander Hrang Vung Thang hruainak in Zote le Tlangsam khua karlakin an rak bawh hna. Asinain Maj. Zing Cung le a  hawile hna cu Zote le Tlangsam lei kal loin nelrawn an tan i Tio tiva chuak tiang an rak kal caah kahnak in an rak luat khawhnak asi.

2007 kum February 13 ah Lairawn maivan “Ruahnak Caihhmainak” ah Pu No Than Kap nih, “Miphun Humhimnak Lakhruai Komitti (NSEC) i nawlngeihnak an lak lioah Champhai ralzaam hna umnak i an rak chiahmi le hmanmi hringeilo thawngthanhnak in hmunhlum (headquarter) cu ka auh khawh i atu a rak rami hna hi rak tlai dih hna uh tiah nawl ka chuah khawh ko, asinain ka dawt hna i ka zangfah hna caah ka rak tlaihter hna lo,” tiah a rak ttial. Angaingai tiahcun hiti a chimmi hi adik lomi lihttawn biatu a rak si. Zeicaahtiah cu lio ahcun Champhai ralhruang ah hringeilo thawngthanhnak pakhat cu a rak um ko nain Champhai ralzaam hna umnak i a phanmi Pu Zing Cung, Pu Benjamin Turing, Dr. Sui Khar le Pu Andrew Ngun Cung Lian hna nih a hmasabik i an rak lakmi cu hringeilo thawngthanhnak pakhat le Pu Thawm Hlei Mang nih aa kenmi .22 meithal tawi pakhat an rak si. Ngunkeng (Phaisa tlaitu) asimi Pu Thawm Hlei Mang kut ah a ummi CNF he aa pehtlaimi catlap hna le phaisa hna cu ap ding i hal asi tikah a kut chungah Patti phaisa Rs. 19.00 bakte a um tiah a rak ti i a phaisa bawm chungin a rak chuahpiak hna.

Pu No Than Kap nih Lairawn Maivan “Ruahnak Caihhmainak” hmangin a chim tthanmi cu, “1992 i Patti Hotu sinak in a rak chuahtu hna kha Patti phunghram ningin thihdan ka pek khawh ko hna nain ka pe duh hna lo,” tihi asi nain Maj. Zing Cung le hruaitu dang hna thah dingah Ngun Uk Lian le adang pakhat a rak fial hna. (Theihternak: Pu No Than Kap nih Maj. Zing Cung le a hawile thah dingin a rak fialmi Ngun Uk Lian pumpak hrimhrim nih Pu Zing Cung sinah 1994, Patti hmunhlum pakhat i an tuahmi Christmas ah a rak chimh ceu ah hngalhmi asi.) Cucaah Pu No Than Kap nih “thisen chuah ding ka duh lo” tiah a aupimi hi a cunglei kan tarlanghmi hna zoh tikah hlennak lih fangfak an si ti a lang.

CNF in an chuah hnu ah Pu No Than Kap cu a hnuzul cheukhat hna hmangin cawlcanghnak a rak ngei tthan. India nichuah chaklei dohthlennak bu asimi NSCN (K) sinah ralthiamnak cawn dingin a rak thlah hna nain anmah chung i a upa fapa Kap Luai tel in ralkap pahnih thah an tuar caah tlamtlinnak an rak hmu kholo. Cu hnu zong ahcun ramri hrawng ah a hnuzul cheukhat hna cu hmaikhuh in mi a rak ramhter tthiamtthiam hna. A donghnak India cozah nih a cawlcangh an zoh khawh ti lo caah an tlaih i Moreh in Ttamu i Kawl ralkap kut ah an apnak asi. Pu No Than Kap i a kuttlaih bia asimi, “Thisen chuah ka duh lo caah ka cawlcangh lo bia asi,” timi bia hi cu a tuahsernak he cun an idang ngai ti a lang. India nih an tlaih ruang i a cawlcangh khawh tilomi tu khi asi.

4. Falam, Halkha Timi Thleidannak Khoika Indah Aa Thok

Pu No Than Kap cu 1992 kum i Patti in chuah asi ka in amah hrimhrim nih “Halkha pawl nih kanmah Falam pawl hi Patti in an kan chuah” timi bia hi a thok i nihin tiangin a chim cuahmah rih ko. Cu bia cu Falam unau tamdeuh nih adikmi ah an rak ruah. Cu pinah a hramthok in Halkha nih Falam khualipi cu an cuh hna i an lak timi bia zong a rak um caah Halkha le Falam karlakah ihmuhthiamlonak a rak karh ngaingai. CNF Hotu cu Falam lei asi caah tluang dangmi nih nawlngeihnak an duh i Pu No Than Kap cu an chuahmi asi tiah an chimmi hi adik lomi asi. Biangai cu hitihin asi;

1992 November thla i an tuahmi Cabinet meeting ah Hotu Pu No Than Kap cu sualphawtnak an tuah tikah “Falam mi ka si ruangah ka sualnak an ka kawlmi asi, Halkha pawl nih nawlngeihnak an duh caah ka sualnak an kawl bia asi” tiah a rak chim. Cu bia an theih le cangka Pu Roger F. Biak Lian Thang, Dr. Sui Khar le Maj. Zing Cung hna cu CNF hruaitu asimi hna Falam lei in Maj. Alexander Hrang Vung Thang, Pu Thawm Hlei Mang le Pu Ni Li Lian hna he Aizawl i Pu Albert Ceu Hlun inn ah November thla zarhdonghnak ah ni 2 chung bakte biaruahnak an rak ngei hna. Cuka an itonnak ahcun atu kan tonmi hi Falam le Halkha kong i buainak siloin Pu No Than Kap sualphawtnak tu asi. “Falam lei nih Hotu an tlaih caah sualphawtnak an tuah ti i nan ruah ahcun nanmah pathum chungah pakhat khat nih Hotu kan ttuanpiak ulaw kan duh” tiah rak chimh hna asi nain anmah lei nih “Pu No Than Kap dah tilo mihruai kho ding kan um lo, Pu No Than Kap a um lo ahcun kanmah zong kan chuak lai, a um ahcun kan um ve lai” tiah an rak ti. Dohthlennak hi Pu No Than Kap ruang i a tuahmi an rak lo ngai. Cuticun anmah he zong remhchunnak ser awk ttha lo dirhmun a hung phan.

Cucaah Miphun Humhimnak Lakhruak Komitti (NSEC) ser asi tikah Maj. Alexander Hrang Vung Thang, Pu Thawm Hlei Mang le Pu Ni Li Lian hna cu NSEC chungah telh an rak si lonak asi. Aruang cu anmah duhnak um lo i telter asimi bia a chuah lai caah NSEC lungrualnak a zawr khawh pinah India cozah, ttuantti budang hna he pehtlaihnak caah dawnkhantu asi khawh ruangah siseh, Pu Tlung Luai le Pu Sang Hlun zong telter an si lo ca zongah siseh, thla 6 chungah tuah dingmi Patti Khawmpi ah an rak itel tthan ko lai ti ruahchannak hna ruang zongah siseh, NSEC chungah an itel lonak a rak si. Asinain doh thlennak kan timi cu pangpar phahmi lam siloin a harmi le a hrapmi lam asi caah cu harnak chung i luat dingah thil a cangmi ichuahkhan zau in Patti le ralkap chungin ralkap cheukhat an rak chuahnak asi.

Zeiti asi hmanhah Pu No Than Kap nih “Falam pawl cu nawlngeihnak a duhmi tluangdang mi hna nih an kan hnahchuah” ti i thlaici a tuhmi ruangah micheu ralkap chung i an chuahnak asi. Naite i chuahmi “Aw Falam” timi cauk zoh ahcun Chin miphun dihlak tthatnak nakin Falam phunhrawm tthathnemnak a biapitter deuhnak le pengtlang lungput a rak ngeihnak hna kha fiang ngaiin hmuh khawh asi ko.

Pu No Than Kap cu 1992 Central Committee meeting ah meithal a rak puah i a rak ihrocer. Cu meeting chung ahcun Pu Val Thang le Pu No Than Kap karlakah ruahnak dannak a rak um. CNF hmunhlum i an tuah liomi thiamcawnnak (training) ah zinglei suimilam panga (5 am) hrawngah thiamcawng ralkap pawl an rak icer i “Zeidah nan tuah, kan icer lio, zeicaah dah, Chinland caah, zei bantuk lungput, thir bantuk a hakmi lungput” tiah an icernak bia hna cu “Hna an chet” tiah a rak ti i a meithal tawi cu a rak ichuah i cunglei thlungkhuh zawn isel  zau in voi tamlak a rak kah/puah. A pawng i a ummi Patti upa hna zong “Nanmah pawl zong hi nan ipumh zongah Halkha holh, nan hlasak zong Halkha holh, ralthiamnak nan cawn zongah Halkha holh, zeidah nan can dih” tiah a rak hrocer bal hna. Angaingai ahcun CNF/CNA chungah Halkha holh lawng siloin Chin holh dangdang zong rak hman asi ko. 1988 in 1992 karlak hi CNF chungah miphun kongkau ifiannak karh khawhnak dingah phunhrawm lungput, pengtlang lungput, ti bantuk a zawr khawhnak dingah biatak tein rak chimrel lio caan asi. Patti chungah phunhrawm le pengtlang rak tlinbik caan zong asi. Asinain Pu No Than Kap cu miphun tling itel ding kha biapi ah chia loin tlangholh caah le ralkap hman ding ca ah Falam holh cu a rak hmanter hna.

Pu No Than Kap nih CNF a hruai chungahhin Patti chungah pengtlang thlei dannak lungput in rian iphawtzamhnak a rak hman caah pengtlang lungput a hram a rak sihnak asi. “Chin” timi ai ah Falam, Halkha, Matu, Mara timi thleidannak chirhchan in rian a rak phawtzamh hna. Pengtlang pakhat le pakhat ihmuhthiam lonak in amah nawlngeihnak hmunhter ding kha a rak izuam. Tawlzarel a rak simi Pu Val Thang kha “Nangmah cu Hotu rian pek kan duh ko nain Pu Sang Hlun le Dr. Sui Khar nih an in duhlo caah ka tuah lonak asi” tiah Pu Val Thang zong lih a rak chimh bal. Cucu Pu Val Thang nih biatak ah a rak iruahsual caah “Halkha pawl nih keimah Hotu ttuan ding an duh lo ruangah CNF in ka chuahnak asi” tiah 2005 February thla ah a rak chim. Pu Val Thang nih Tawlzarel (General Secretary) rian a rak tlaih chung ahhin Pu No Than Kap cu Hotu le Ralkap Lutlai a rak si. Hotu chang (2) le Humhaaknak Lutlai cu Pu Tlung Luai (Defense Minister) a rak si. Ralkap bawibik Maj. Alexander Hrang Vung Thang a rak si fawn. Phundang in chim ahcun nawlngeihnak dihlak Pu No Than Kap minung lawngte nih an rak tlaih. Pu Val Thang Hotu pek duh ahcun ahohmanh nih al khawh ding a rak silo. Khat le khat karlakah iremlonak a umnak ding caah le amah nih nawlngeihnak a tlaih khawhnak ding caah Matupi lei in Pu Val Thang le Halkha lei in Pu Sang Hlun le Dr. Sui Khar hna karlakah pengtlang le pumpak ihmuhthiam lonak dingin hlenbia a rak sermi tu a rak si.

5. CNA Dirhtu Asi Maw

Hruaitu he biaruahnak an ngeihmi ah CNF a dirhtu cu Pu Ttial Khal, Pu Ro Eng le Pu Lian No Thang an si i CNA a dirhtu cu keimah ka si tiah a chimmi he pehtlai in biatak cu hitihin asi;

1988 November thla ah Pu Andrew Ngun Cung Lian le Pu Benjamin Turing cu Arakan Liberation Party (ALP) sinah ralthiamnak cawng dingin an rak kal. 1988 December le 1989 January le February ah KIA sinah ralthiamnak cawn dingah aphuphu in thlah an rak si. 1989 February thla ah KIA Ralhlum/Ttatyin (6) ah ralthiamnak cawn dingah Chin mino minung (66) an rak itong hna. Cuka hmun cun KIA hmunhlum (3) nak le KIA thiamcawnnak hmunhlum ah an ke in an rak kal hna i 1989 March 21 ah thazaang minung 66 hna cu thiamcawnnak hmunhma an rak phan hna. March 22 thok in thiamcawnnak an rak thok i 1989 May 8 ah an rak dih. Chin miphun thantar an rak itlaih i biakamnak an rak chim hnu ah Chin Miphun Ralkap (CNA) ah an rak icannak asi. 

        1993 June thla i an tuahmi avoi khatnak Patti Khawmpi a dih tikah ralkap pumpak nambar tuah ding ti a rak si i KIO sin i ralthiamnak a cawngmi hna in thok i ralkap pumpak nambar pek hna dingin hnatlak a rak si. Cucaah Chin Miphun Ralkap Ni cu KIO i ralthiamnak an dih ni Chin miphun thantar an rak itlaih i biakamnak an rak chim ni 1989 May 8 hi asi ko hnga. Asinain nihin tiang CNF nih Chin Miphun Ralkap ni cu phungtling in an khiak rih lo.

CNA a dirh hmasatu kong he pehtlai in Pu No Than Kap CNF i a luh hlan 1988 March 20 i CNF an rak thokka ahhin Pu Ro Eng hi Humhaaknak Lutlai (Defense Minister) an rak tlaihtermi asi caah CNA cu CNF an rak thok ri in a um vemi asi tinak asi.

Pu No Than Kap cu CNF/CNA dirh dih hnu ah CNF chungah a lut i ramdanglei pehtlaihnak lutlai an rak pek lio ahhin Pu Ro Eng cu Humhaaknak Lutlai a rak tlaih cang caah Pu No Than Kap cu CNA dirhtu cu asi lo tinak asi ko.

6. UNO Ah Chin Miphun Kong A Chim Hmasa Asi maw

UNWGIP timi cu UN chungah a niambik asi. Cu pinah zeibantuk ramngei miphun hmanh nih kai khawhmi asi. 1993 ah NDF in tlangcungmi hruaitu hna cu Europe an tlawn pah in UNWGIP meeting cu an rak kai bal. Cu NDF aiawh ahcun CNF in Dr. Vumson Suantak (tleicia) a rak kai ve. Cucaah Chin miphun chungah UNWGIP i a kai hmasabik cu Dr. Vumson Suantak tu hi asi.

UN ah mizei paoh nih cattial khawh asi ko. Tuahphung 1503 bantukin minung covo buarnak a ingmi mizeihmanh nih pumpak kong chimrel khawh asi. Asiloah anmah aiawh in bu pakhat khat nih chimrelpiak khawh asi fawn. Cucaah kum khat ah calut sing thum le sing li (ting 3-4) karlak lengmang an hmuh tawnnak asi. UN Tawlzarel sin zongah cattial khawh asi ko. ZORO zong nih ca an kuat tawn ttheu ko. High Commissioner for Human Rights sin zongah cattial khawh asi. Asinain hi zung hi 1990 kum tiang an ong rih lo. Chim duhmi cu UN ah cattial thawngin zeitluk dah hmual a ngeih titu kha biapi asi. Ahopaoh nih chim khawhmi le ttial khawhmi asi i Pu No Than Kap lawng nih ttial khawhmi asi lo.

7. Geneva Nih Kawl Ralkap Sinah An Chimrelpiak Maw

Geneva in Kawl ralkap sinah keimah chuahnak ding kong an ka chimpiak caah siseh, Kawl ralkap le hriamtlaibu hna karlakah remhdaihnak kong bialamkal lio asi caah siseh, zalonnak ka hmuhnak asi tiah a chimmi zong hi zumhtlaklo phuahcopbia asi ko. Geneva ti biafang zong hi afiang lo ngaimi biafang asi fawn. UN asiloah Geneva hrambunh NGO pakhat khat asiloah pumpak pakhat khat an si kho.

UN Mechanism ahhin atu bantuk tlaihkhih a tongmi hna kong he pehtlai in UN Working Group Enforced and Involuntary Disappearances sinah nawlpat khawh asi. Nawlnak ca cu hi bu nihhin anmah le an cozah sin cioah an pehtlaihpiak tawn  hna. 1996 kum chungah hi bu nih an hmuhmi nawlnak ca chungah Kazastan, Tunisia, Turkmenistan, Zimbabwe ram lawng an itel. 1997 kum ah Gambia, Saudi Arabia, Zambia rak lawng an rak itel fawn. Burma in nawlnak ca a um lo. Adang pakhat cu Special Rapporteur on Myanmar sinah chimrel nawlpat khawh asi. 1996 Special Rapporteur on Myanmar nawlnak ca zoh tikah Detention tangah Pu No Than Kap kong biafang pakhatte hmanh a um lo. Cucaah Pu No Than Kap nih Geneva a timi hi UN cu si dawh asi lo.

NGO pakhat khat an si kho hnga maw ti he pehtlai in Pu No Than Kap kongah Society for Threaten Pelple timi NGO nih an chimrelpiak khawh men. Pu No Than Kap bantuk kong hi cu NGO nih cun biapi ah ihmaithlak in an bawmhchanh tawn hna. Asinain cu NGO nih an bawmh hmanhah zeitluk dah hmual a ngeih hnga, bu caah siloin pumpak pakhat ca i chimrelpiak hi hmual a ngei kho lai lo. Pu No Than Kap cu chimlo nihin Kawl ralkap (SPDC) nih an hrenmi Pi Aung San Suu Kyi le U Tin Oo le tlangcungmi hruaitu Khun Tun Oo hna chuahnak dingah Geneva lawng siloin khuaza mibu hna le UN Humhimnak bu nih an halpiak lengmang komi hna hmanh Kawl ralkap nih zei ah an relpiak hna lo i kum sau thong thlaknak in an hren rih komi hna ti cu mithmuh asi ko.

8. Kawl Ralkap Sin Aa Apmi Asi le Silo

Kawl ralkap cu ramkhelrian le dohthlennak a tuahmi hna a tlaih tik hna ah cuhna nih ramkhelrian le dohthlennak cung i an ingeihmi zumhnak le tlaihtleng hna kha a thlah i daitein ka um ko lai tiah biakamnak a ngeimi lawnglawng hi zalonnak an pek tawn hna. Chin miphun dohthlennak tuanbia kan zoh tikah Maj. Suan Kho Pau le Pu Hrang Nawl, Pu Ro Thang hna kha India cozah nih an rak tlaih hna i Kawl ralkap Ne Win sin i an chanh hna tikah anmah nih ramkhelrian kong i an zumhnak le an tlaihtleng an rak thlah lo caah kum sau thongthlak an rak tuar. Thong kum a dih tik i thong in an chuah hnu hmanh ah tthep loin an rak ngiatthlai rih ko hna.

Pu No Than Kap zong India cozah nih an tlaih i Kawl ralkap sin i an chanhmi asi. Pu No Than Kap nih hin Kawl ralkap sinah lungtthum loin ramkhelrian kong i a zumhnak a thlah lo asi ahcun kum sau thong tlak ding hrimhrim asi ko. Atu ban tukin zalong tein a um khawhmi hi Pu No Than Kap nih Kawl ralkap hna sinah ramkhelrian kong ah a zumhnak le a tlaihtleng ka thlah ko lai, daitein biaknak rian lawng ka ttuan lai tiah zatlak bu in a chimrel ruangah asi ko lai. Asiloah Chin miphun hna karlakah lungrualnak a zawr khawhnak dingah Kawl ralkap nih tlaih fung bantukin an hman tthan duh ca zongah asi kho ve ko.

India cozah nih amah a domi bu he aa kawmmi pakhat khat kha amah humhim nak caah zohkhenhtu ralkap an pek tiah a chimmi zong hi thilsining phung asi lo. Kan langhter cang bantukin (NSCN-K) hna kha India sinah a zuar hna i NSCN (I- M) hna le CNA hna thah dingin a bawhtermi hna an theih caah Pu No Than Kap an zumh lo ruang le a zam lai phan ruang i palik pawl an congh ter mi hna tu si dawh asi.

          Biatlangkawm

CNF cu Chin miphun nih kan duh dihmi mahte khuakhan lairelnak nawl, zauk phung le federal phung ser tthan khawhnak dingah dirhmi bu asi. Minung pa khat, mibu pakhat nih an duhmi tlamtlinnak ding ca men i dirhmi bu asi lo. Mah te khuakhan lairelnak nawl, zaukphung le federal phung ser tthannak ding cu Pu No Than Kap pakhat lawng nih a hngalhmi le a duhmi asilo bantukin Falam, Halkha hna lawng nih an hngalhmi le an duhmi zong asi lo. Chin miphun dihlak nih duh dihmi Chin miphun pawlasi asi tiah zapi hngalh asi ko. 1988 March 20 in Chin miphun hna nih an nunnak pek in kum 19 tiangtiang an ttuanrelmi miphun dohthlennak ahhin hruaitu ithlennawnnak a um ko nain CNF nih aa ngeihmi Pawlasi pathum hna cu an ithleng ballo.

Pu No Than Kap hi Pu Ttial Khal le CNF dirhtu upa hna nih CNF in an rak chuah lioah a lungput diktak hngalh a rak si lo caah nihin CNF i miphun caah ral a tu cuahmahmi hna nih a hnu an rak zulh i an rak dirkamh. Asinain kum 4 arauh tik ahcun a lungput, a ziaza le tuahsernak hna nih CNF le Chin miphun hna caah rawhralnak a chuahter caah CNF Hotu sinak, Ralkap Lutlai sinak le CNF chung tel sinak in zungzal ca in chuah a rak sinak cu asi.

Pu No Than Kap nih CNF tthencheunak tiah a chuankhan lengmangmi “Halkha pawl i pengtlang ttanhnak lungput, nawlngeihnak an duh ruang, Falam hna hruainak an duh lo ruang” timi cu amah eirolhnak, ramkhelrian le zatlang nun kongah amah le amah aa kilhkamhnak lihbia an si i pumkhamnak bantukin a hmanmi men asi. Chin miphun dohthlennak tuanbia ah si awk aa tlak lo hring hranmi melmang bantuk a rak taanmi hi Pu No Than Kap ziaza rawhral ruang, a ruahnak a tetnau ruang, miphun dawtnak a ngeihlo ruang, pumpak hlawknak a ruah ruang, thahrum miukphung a hman ruang le mithah a rak hman hna ruang ahhin asi.

Cucaah Chin mipi le Chin miphun hna nih Pu No Than Kap he aa pehtlaimi hi fianternak hi kan fian i CNF cu pumpak pakhat ca le pengtlang pakhat ca men ah siloin mahte khuakhan lairelnak nawl, zaukphung le federal phung a zummi hna le a cohlangmi itel dihnak bu asi ti ruat bu in itel cio dingah kan in sawm hna.

Publicity and Information Department Chin National Front
Chinland